OBRADOIRO DE HORTA PARA TODA A COMUNIDADE EDUCATIVA

O xoves 15 en horario de tarde fixemos na escola un obradoiro de horta organizado polas familias dos nenos e das nenas  e capitaneado por Cristal a nosa nai experta en Educación Ambiental.

Entre todos acondicionamos os bancais para plantar, quitamos as plantas de verán, as herbas, removemos a terra e botamos o compost.

Tamén construímos con palés e botellas de deterxente reciclado unha horta vertical para flores e bulbos.

E xa para terminar, elaboramos elementos decorativos para a horta.

Moitísimas grazas a todas as familias pola implicación.